राजधानीमा जारी टी-ट्वान्टी लिगमा जनकपुर रोयल्सले लगातार दोस्रो जित निकालेको छ । जनकपुरले विराटनगर किग्संलाई पराजित गर्दै दोस्रो जित निकालेको हो । जनकपुरले बिराटनगरमाथि ५ विकेटको जित हात पारेको हो । पहिला ब्याटिङ गरेको विराटनगरले जनकपुर समक्ष १ सय ४१ रनको लक्ष्य प्रस्तुत गरेको थियो ।
जवाफि ब्याटिङमा उत्रिएको जनकपुरले अन्तिम बलमा ५ विकेट गुमाएर लक्ष्य पुरा गरेको हो । जनकपुरका लागि चाडविक वाल्टनले अविजित ६९ रनको अर्धशतकीय ईनिङ खेले तथा ट्रेभोन ग्रिफिथले २५ रन बनाए । विराटनगरका लागि नन्दन यादव,हुसेन तलात र रिजन ढकालले समान १-१ विकेट लिए ।
त्यसअघि पहिले ब्याटिङ गरेको विराटनगरले १९.५ ओभरमा अलआउट हँदै १ सय ४० रनको योगफल तयार गरेको थियो । जनकपुरका लागि सिकन्दर राजाले ३८ रन तथा रोहित कुमार पौडेलले ३२ रन बनाए । हुसेन तलातले २८ रन जोड्दा अर्जुन साउदले १८ रन जोडे ।
जनकपुरका लागि ललित नारायण राजवंशीले ४ ओभरमा ८ रन खर्चिएर ५ विकेट लिए । आदिल आलम र केशरिक विलियम्सले समान २-२ विकेट तथा सोमपाल कामीले १ विकेट लिए ।
