चर्चित टेनिस खेलाडी सानिया मिर्जा र पाकिस्तानी क्रिकेटर शोएब मलिकको सम्बन्ध डिभोर्स सम्म पुगेको छ । उनीहरु दुबैको विवाह भएको १२ वर्ष भइसकेको र पछिल्ला केही दिनदेखि उनीहरुको सम्बन्धमा तिक्तता आएको खबरहरु आइरहेका छन् । समाचारका अनुसार सम्बन्धमा कटुता आउनुको कारण शोएबको पाकिस्तानी अभिनेत्री आयशा उमरसँगको अफेयर हो ।
शोएबसँग पाकिस्तानी अभिनेत्रीको नाम आएसँगै अब आयशा उमरले अफेयरको खबरमा मौनता तोडेकी छिन् । आयशाले आफ्नो बयानमा शोएबसँगको आफ्नो सम्बन्धको वास्तविकता बताएकी छिन् । जसपछि अभिनेत्रीको बयान निकै भाइरल भइरहेको छ ।सानिया मिर्जा र शोएब मलिकको सम्बन्धविच्छेदको कारण पाकिस्तानी अभिनेत्री आयशा उमरलाई भनिएको छ ।
समाचारका अनुसार आयशासँग शोएबको अफेयर चलिरहेको थियो, जसका कारण शोएब र सानियाबीच दूरी बढेको थियो । यसै क्रममा यी रिपोर्टमा मौनता तोड्दै आयशाले मिडियासँगको कुराकानीमा भनिन्– ‘शोएब मलिकसँगको मेरो यो फोटोसुट विगतको हो । यो केवल एक पेशेवर फोटोसुट थियो। यदि कसैसँग अफेयर छ भने, तिनीहरूले यस प्रकारको फोटोसुट अनलाइन पोस्ट गर्दैनन्। म विवाहित पुरुषसँग सम्बन्ध राख्ने कुरा सोच्न पनि सक्दिन।
सानिया र शोएबको सम्बन्धविच्छेदको बीचमा यी तस्बिरहरूलाई मिडियाले गलत प्रयोग गरेको थियो। शोएब मलिक र आयशा उमरको अफेयरको खबर उनीहरुको रोमान्टिक फोटोसुटले बढाएको थियो । यस फोटोसुटमा दुवै क्यामेराको अगाडि आरामदायी देखिएका थिए । यी तस्बिरहरूमा शोएब कहिले आयशासँग पोखरीभित्र देखिएका थिए भने कहिले पाकिस्तानी अभिनेत्री आयशाको कपाल ग्रिमिङ गरेको देखिन्थे ।
