बलिउड स्टार रणबीर सिंहका फ्यानहरुका लागि खुशीको खबर रहेको छ । फिल्ममा धमाल मच्चाए पछि उनी अब टेलिभिजनको दुनियाँमा प्रबेश गर्दैछन् । उनले टेलिभिजनमा डेब्यु मार्न लागेका हुन् ।
रणबीर सिंहको यो गुडन्यूजलाई ट्रेड एनालिस्ट तरण आदर्शले आधिकारीक पुष्टि गरेका हुन् । रणबीर सिंह कलर्स च्यानलको एक क्विज शो लिएर आउन लागेका हुन् । तरण आदर्शले ट्विटरमा ट्विट गर्दै भनेका छन्– रणबीर सिंहको ठुलो ठेलिभिजन डेब्यु ।
कलर्सले एक्टरलाई क्विज शो द बिग पिक्चर होस्ट गर्नका लागि साईन गरेको छ । यो खबर आउने बित्तिकै रणबीर सिंहको फ्यानहरुको खुशीको सिमा नै छैन । यो एउटा भिजुअलमा आधारीत क्विज शो हुनेछ । कलर्सको निर्माण पक्षले रणबीर सिंहको पोस्टर शेयर गर्दै यो घोषणा गरेको हो । यो शो बेलुका पौने ७ बजे टेलिकास्ट हुने जनाइएको छ ।
टेलिभीजनमा क्विज शो धेरै आए तर अमिताभ बच्चनको कौन बनेगा करोडपति जस्तो कुनै पनि टिक्न सकेनन् । उनको केबीसी एकदमै हिट रहेको छ । बलिउडका स्टार सलमान खान, शाहरुख खान पनि यस मामलामा एकपटक फेल भईसकेका छन् । रणबीरको यो शो अमिताभ बच्चनको शो को अगाडी कति टिक्छ त्यो भने समयले नै बताउने छ ।
