एजेन्सी -चीनमा पछिल्लो समय कोरोना भाइरस संक्रमण बढ्दै गएपछि कागती किन्नेहरको तछाड मछाड हुन थालेको छ । कोरोना भाइरसविरुद्ध प्रतिरोधी क्षमता बढाउने भन्दै मानिसहरु कागती खरिद गर्न बजारमा तँछाडमछाड गरिरहेका हुन् ।
फ्लु तथा चिसोको औषधिको अभावका कारण मानिसहरु प्राकृतिक तरिकाबाट बच्न कागती प्रयोग गर्न थालेका हुन् । जसकारण बजारमा कागतीको बिक्री ह्वात्तै बढेको छ ।
चीनको दक्षिण पश्चिमी क्षेत्र सिचुआन प्रान्तमा बस्ने वेन नामका किसानले हप्ता आफूले २० देखि ३० टनसम्म कागती बिक्री गरेको बताए । जबकि त्यसअघि उनले हप्तामा केवल ५ देखि ६ टन मात्रै कागती बेचिरहेका थिए ।
वेनले १३० एक्कड जमिनमा कागती खेती गरेका छन् । पछिल्ला चार(पाँच दिनमा कागतीको मूल्यमा पनि तीव्र वृद्धि भएको बताइउको छ । चिसो तथा फ्लुको औषधिको अभावसँग जुधिरहेका बेइजिङ र सांघाईबाट कागतीको माग सबैभन्दा धेरै आइरहेको ती किसानले बताए ।
