काठमाडौं । यतिबेला अर्जेन्टिनाले बिश्वकप जिते पछि बिश्वभर रहेका लियोनल मेस्सीका फ्यान तथा समर्थकहरुले खुशी साटासाट गरिरहेका छन् । अर्जेन्टिना र खासगरी मेसीका फ्यानहरुले आँफुले बोलेको वाचा पुरा गरिरहेका छन् ।
यसैबिच अर्जेन्टिनाले विश्वकप २०२२ मा जीत निकालेपछि मोडल सुष्मा अधिकारीले बधाई दिँदै कामुक तस्बिर सामाजिक सञ्जालमा पोस्ट गरेकी छन्। मेस्सीले ट्रफि उचालेको तस्बिरसहित उनले अर्जेन्टिनाको जर्सीमा गरेको फोटोसुटको तस्बिर सार्वजनिक गरेकी हुन्।
विभिन्न म्युजिक भिडिओ र भोजपुरी फिल्ममा समेत अभिनय गरेकी सुष्मा अर्जेटिनाको समर्थक हुन्। मेस्सीका समर्थकहरुका लागि अर्को खुशीको खबर बाहिर आएको छ । अर्जेन्टिनका कप्तान लियोनल मेस्सीले बीबीसी स्पोर्ट्स पर्सनालिटी वर्ल्ड स्पोर्ट स्टार अफ द इयर अवार्ड प्राप्त गरेका छन् ।
बेलायती मिडिया बीबीसीले विश्वकप विजेता मेस्सीलाई २०२२ को यस अवार्ड प्रदान गरेको हो । यो अवार्ड पाए संगै मेस्सीका समर्थकहरु झन् खुशी भएका छन् । ३५ वर्षीय मेस्सीले आइतबार अर्जेन्टिनालाई कतारमा आयोजना भएको फिफा विश्वकप फुटबलको उपाधि दिलाएका थिए । अर्जेन्टिनाले ३६ वर्षपछि र तेस्रो पटक विश्वकप उपाधि जितेको हो ।
फ्रान्सेली क्लब पीएसजीका फरवार्डले विश्वकपमा गोल्डेन बल समेत प्राप्त गरेका थिए । पाँचौं पटक विश्वकप खेलेका मेस्सीले कतार विश्वकपमा ७ गोल गरेका थिए । उनले फ्रान्सविरुद्ध फाइनलमा दुई गोल गरेका थिए । विश्वकप उपाधिसँगै ७ पटकको बालोन डीओर विजेता मेस्सीले आफ्नो पुस्ताका सर्वकालीन महान खेलाडीमा आफ्नो नाम दर्ज गरेका थिए ।
