काठमाडौं । बीबीसीले यो वर्षको उत्कृष्ट खेलाडी अर्जेन्टाइनी फुटबल खेलाडी लियोनल मेस्सीलाई घोषित गरेको छ । बीबीसीले हरेक वर्ष प्रदान गर्दै आएको बीबीसी स्पोर्ट्स पर्सनालिटी अन्तर्गत यो वर्षको ‘वर्ल्ड स्पोर्ट स्टार’ अवार्डबाट मेस्सीलाई सम्मानित गर्ने भएको हो ।
अर्जेन्टिनालाई ३६ वर्षपछि विश्वकप फुटबलको उपाधि जिताएका ३५ वर्षीय मेस्सीले गोल्डेन बलको अवार्ड समेत जितेका थिए ।। यो जितसँगै मेस्सीले आफुलाई विश्व फुटबलका महान हस्तीहरु पेले र म्याराडोनाकै दर्जामा आफुलाई उभ्याउन सफल भएका छन् ।
बीबीसीले वर्षभर विश्व स्तरमा सबैभन्दा उल्लेखनीय खेलकुद सफलता हासिल गर्ने खेलाडीलाई ‘वल्र्ड स्पोर्ट स्टार अफ द इयर’ अवार्डबाट सम्मानित गर्ने गरेको छ । अघिल्लो वर्ष आयरल्याण्डकी घोडचढी खेलाडी रचेल ब्ल्याकमोरले यो अवार्ड जित्न सफल भउकी थिइन् ।
