काठमाडौं । पूर्वमिस नेपाल अस्मी श्रेष्ठ र भारतीय गायक सनम पुरीको ब्रेकअप भएको बताइएको छ । प्रेममा रहँदा दैनिकजसो रोमान्टिक तस्वीर इन्स्टाग्राममा पोस्ट गरिहने यी दुई अलग भएको बताइएको छ । सनमले नयाँ प्रेमिका सार्वजनिक गरेका छन् । उनले इन्स्टाग्राममार्फत नागाल्याण्डकी एक गायिकालाई प्रेमिकाको रुपमा चिनाए पछि यी दुइृको ब्रेकअप भएको बताइएको छ ।
अस्मी र सनम दुवैले इन्स्टाग्रामबाट एकअर्काका तस्वीर मेटाएका छन् । प्रेममा रहँदा सनमले अस्मीलाई सम्बोधन गर्द मर्मस्पर्शी प्रेमपत्र पनि लेखेका थिए, जहाँ उनले अस्मीलाई भविष्यकी रानी भन्दै प्रशंसा गरेका थिए ।
सामाजिक सञ्जालमा कतिपयले सनमले नेपालकी अस्मीलाई धोका दिएको उल्लेख गरेका छन् । यी दुई प्रेममा रहँदा दैनिकजसो रोमान्टिक तस्वीर इन्स्टाग्राममा पोस्ट गरिरहन्थे । उनीहरु सम्बन्धमा गम्भीर मात्र थिएनन्, भविष्यको योजना पनि बनाइरहेका थिए । तर अब भने उनीहरुबीच ब्रेकअप भएको निकट स्रोतले जनाएको छ ।
