काठमाडौं । अर्जेन्टिनाका आशा र भरोसाका खेलाडी लियोनल मेस्सीले शानदार खेल खेलेपछि अर्जेन्टिना विश्वकपको फाइनलमा प्रवेश गरेको छ । गएराती दोहाको लुसेल रंगशालामा क्रोएसियालाई ३-० ले हराएर छैटौंपल्ट फिफा विश्वकपको फाइनलमा पुगेको हो ।
खेलको ३४औं मिनेटमा क्रोएसियाली गोलरक्षक डोमिनिक लिभाकोभिचले उनलाई फल गरेपछि अर्जेन्टिनाले पाएको पेनाल्टीलाई लियोनल मेस्सीले गोलमा परिणत गरेका हुन् ।
त्यस्तै अर्को गोल पाँच मिनेटपछि उनैले टिमको अग्रता दोब्बर बनाए र मेस्सीको हेडर पासमार्फत मध्यभागबाट बल लिएर अघि बढेका अल्भारेजले क्रोएसियाका तीन खेलाडीलाई छक्याउँदै आकर्षक गोल गरे ।
सन् २०१८ को विश्वकप समूह चरणमा क्रोएसियाले अर्जेन्टिनालाई ३-० गोलले पराजित गरेको क्रोएशियालाई खाता नै खोल्न नदिई अर्जेन्टिनाले बदला लिँदै विश्वकपको फाइनलमा प्रवेश गरेको हो ।
गुरुरचेला लियोनल मेस्सी र जुलियन अल्भारेजले प्रभावशाली प्रदर्शन गरेपछि अर्जेन्टिना विश्वकपको फाइनल आगामी आइतबार यही रंगशालामा खेल्ने तय भएको छ ।
