कतारमा जारी फिफा विश्वकप फुटबल अन्तर्गत सेमिफाइनलको समिकरण पुरा भइसकेको छ । अब सोहि सेमिफाइनल तथा फाइनल खेलमा प्रयोग हुने नयाँ बल सार्वजनिक भएको छ । एडिडास कम्पनीले आइतबार विश्वकपको सेमिफाइनल र फाइनलमा प्रयोग हुने नयाँ बल सार्वजनिक गरेको हो ।
सार्वजनिक गरिएको नयाँ बलको नाम अल हिल्म राखिएको छ । अरेबिक शब्द अल हिल्मको अर्थ सपना भन्ने बुझाउँछ । यस अघिको अल रिहलाको जस्तै यस बलमा समेत प्रविधिको प्रयोग गरिएको छ । यस पटकको विश्वकपमा फ्रान्स, क्रोएसिया, अर्जेन्टिना र मोरक्को सेमिफाइनलमा स्थान पक्का गरिसकेका छन् ।
