काठमाडौँ । चलचित्र भगवत् गीतामा नायक धिरज मगरको इन्ट्री भइस्केका बेला अभिनेता अनमोल केसीले सो चलचित्रलाई शुभकामना ब्यक्त गरेका छन् । निर्माण यूनिटले लामो समयदेखि नायकको खोजी गरिरहेका बेला नायक धिरज मगर फाइनल भएसँगै अनमोलले धिरज र सुहानाको जोडीलाई शुभाकामना दिएका छन् ।
यसअघि केसीले काम गर्ने चर्चाबीच मगर अनुबन्धित भएपछि टीममा केहि लफडा परेको अनुमान गरिएको भएता पनि अनमोलले एक कदम अघि सर्दै त्यो हल्ला हल्ला मात्रै भएको र सम्बन्ध सुमधर रहेको पुष्टी गरेका छन् ।
सुनिल कुमार थापाले बनाउने तथा झरना थापाले निर्देशन गर्ने चलचित्र भगवत् गीतामा नायक धिरज मगरले काम गर्ने सम्झौता अघि बढेसँगै अब चलचित्रको काम तिब्र गतिमा अघि बढ्ने बताइएको छ । चलचित्र निर्माण कम्पनी सुहाना इन्टरटेन्मेन्टले यसअघि ए मेरो हजुरको सिरिज निर्माण गरेर नाम र दाम दुर्व कमाउन सफल भएको थियो ।
