कतारमा जारी फिफा विश्वकप फुटबल अन्तर्गत क्वाटरफाइनलको दोस्रो खेल अहिले नेदरल्यान्ड्स र अर्जेन्टिनाबीच भईरहेको छ । पहिलो हाफको समाप्ती संगै अर्जेन्टिनाले एक गोलको अग्रता बनाएको छ ।
लुसाइल स्टेडियममा जारी खेलमा नहुएल मोलिनाले ३५ औं मिनेटमा गोल गर्दै अर्जेन्टिनालाई सुरुआती अग्रता दिलाएका हुन् । मोलिनाका लागि कप्तान लियोनल मेस्सीले गोल असिस्ट गरेका थिए । मेस्सीको पासमा उनले नेदरल्याण्डको पोष्टमा सहजै गोल गरेका हुन् ।
उनको यो पहिलो अन्तराष्ट्रिय गोल समेत रहेको छ । नेदरल्यान्ड्सले राउण्ड अफ १६ मा अमेरिकालाई हराएको थियो । अर्जेन्टिनाले राउण्ड अफ १६ मा अष्ट्रेलियालाई पराजित गरेको थियो ।
यी दुबै टोली आज जित निकाल्दै अन्तिम चारमा स्थान बनाउने दाउमा रहेका छन् । यसअघि भएको पहिलो खेलमा ब्राजील क्रोएसिया संग पेनाल्टी सुटआउट पराजित हुन पुगेको छ ।
