अभिनेता विपिन कार्की बलिउड फिल्म ‘एनिमल’को छायांकन नगरि नेपाल फर्किएका छन् । उनले यो बलिउड फिल्ममा साइन गरेको १ बर्ष बितिसकेको छ । मुम्बईमा यस फिल्मको छायाँकन भईरहे पनि उनको काम नभएपछि फर्किएका हुन् । उनी पटक पटक मुम्बई पुगेर फर्किसकेका छन् । मुम्बई बाट फोन गरेर बोलाए पनि आफ्नो काम नभएपछि बिपिन दिक्क भएका छन् ।
उनले एनिमल भन्दै कुरेको १ बर्ष बितिसकेको बताउँदै आफ्नो क्रियाशील समय खेर गईरहेको प्रति चिन्ता ब्यक्त गरेका छन् । उनले यता नेपालमा पनि ४ वटा फिल्म साइन गरेका छन् । के अब एनिमल फिल्म छोडेकै हो त ? भन्ने संचारकर्मीको जिज्ञासामा बिपिन भन्छन् छोडेकै चाँहि हैन तर यस्तै भइरह्यो भने छोड्न सक्ने स्थिती आउन सक्छ ।
मेरो यता फिल्म साइन गरिसकेकोले त्यसको जिम्मेवारी पनि छ । प्रसाद २, डामाडोल, भष्मे डन र सफल केसीको अनटाइटल फिल्ममा साइन गरिसकेका छन् । यी चारै फिल्ममा अनुबन्धित भइसकेका विपिनलाई दुईतिर सेड्युल मिलाउन गाह्रो भईरहेको छ ।
उता बलिउड फिल्म एनिमललाई कबीर सिंह’ फेम्ड निर्देशक सन्दीप रेड्डी भांगाले निर्देशन गरिरहेका छन्। यसफिल्ममा रणवीर कपुर, रश्मिका मन्दाना, अनिल कपुर, परिणिती चोपडा लगायतको मुख्य भूमिका छ । विपिन पनि महत्वपूर्ण भूमिकामा अनुबन्धित भइसकेका हुन् ।
‘
