एजेन्सी-
बलिउड अभिनेत्रीहरु केहि न केही गरेर सधै चर्चामा आइरहने गर्दछन् । रिलेशनसिप होस् या कुनै कुरामा दिएको अभिब्यक्तिका कारण सधै चर्चामा रहने बलिउड अभिनेत्रीहरु धेरै छन् । तर एक बलिउड अभिनेत्री जस्ले अनौठो काम गरेर चर्चामा यतिबेला आएकी छिन् ।
उनी हुन् रविना टण्डन । उनी पछिल्लो पटक बाघको नजिक गएर भिडियो तथा फोटो लिएका कारण बिबादमा तानिएकी छिन् । मध्य प्रदेशमा टाइगर सफारी गर्न आएकी अभिनेत्री रविना टण्डन विवादमा परेकी हुन् ।
रविनामाथि नियम तोडेर फोटो खिचेको आरोप छ । यो भिडियो रविना आफैले सामाजिक सञ्जालमा सेयर गरेकी छिन् । जसमा रविना जिप्सीमा बाघको धेरै नजिक गएर भिडियो बनाउँदै देखिएकी छिन् । भिडियो सार्वजनिक भएपछि एसटीआर व्यवस्थापनले आपत्ति जनाएको छ ।
नियमकै कुरा गर्ने हो भने कुनै ब्यक्ति वा टुरिस्ट बाघ तथा कुनै पनि संकटापन्न जनावरको २० मिटर भन्दा नजिक जान नपाउने प्रावधान रहेको छ । तर रविना बाघको एकदमै नजिक गएर भिडियो तथा फोटो खिचेपछि बिबादमा तानिएकी हुन् ।
