काठमाडौं, १७ असार-झापा, कमल गाउँपालिका-३ स्थित केर्खा बजारबाट ८८ ग्राम अवैध लागूऔषध खैरो हेरोईन जस्तो देखिने लेसाईलो पदार्थ सहित २ जनालाई बुधबार दिउँसो प्रहरीले पक्राउ गरेको छ । पक्राउ पर्नेहरुमा मेचिनगर नगरपालिका-१५ बस्ने २० वर्षीय सुवास मेचे र सोही गाउँपालिका-१० बस्ने २५ वर्षीय सुरज लामिछाने रहेका छन् । मे.१ ह ५९९० नम्बरको टेम्पोलाई ईलाका प्रहरी कार्यालय दमक र लागूऔषध नियन्त्रण ब्यूरो काँकडभिट्टाबाट खटीएको संयुक्त प्रहरी टोलीले जाँच गर्ने क्रममा टेम्पोमा सवार उनीहरूलाई उक्त परिमाणको लागूऔषध सहित फेला पारी पक्राउ गरेको हो ।
पर्सा, वीरगञ्ज महानगरपालिका-१७ आइसिपि गेट नजिकबाट ५ ग्राम १ सय ८० मिलिग्राम अवैध लागूऔषध खैरो हेरोईन सहित भारत विहार धुपुवाटोल बस्ने ३५ वर्षीय मन्टु पण्डित कुम्हाललाई बुधबार बिहान प्रहरीले पक्राउ गरेको छ । प्रहरी चौकी सिर्सियाबाट खटिएको प्रहरीले उनलाई उक्त परिमाणको लागूऔषध सहित फेला पारी पक्राउ गरेको हो ।
वाग्लुङ, निसीखोला गाउँपालिका-६ भिवाङ बस्ने ५६ वर्षीय कुम बहादुर बुढालाई करिब २ केजी २ सय ग्राम अवैध लागूऔषध चरेश सहित बुधबार बेलुका प्रहरीले पक्राउ गरेको छ । कुम बहादुरको घरसँगै जोडिएको टहरोमा चरेश लुकाई राखेको भन्ने खबर प्राप्त हुनासाथ जिल्ला प्रहरी कार्यालय वाग्लुङ र ईलाका प्रहरी कार्यालय बुर्तिबाङबाट खटिएको प्रहरीले जाँच गर्ने क्रममा कुम बहादुरलाई उक्त लागूऔषध सहित फेला पारी पक्राउ गरेको हो ।यस सम्बन्धमा प्रहरीले थप अनुसन्धान गरिरहेको छ ।
