कतारमा जारी फिफा विश्वकप फुटबलमा क्रोएसिया संग क्यानडा पराजित भएको छ । प्रतियोगितामा क्रोएसियाको यो पहिलो जित हो । खालिफा अन्तराष्ट्रिय स्टेडियममा केहीबेर अघि सम्पन्न खेलमा क्यानडालाई ४-१ गोल अन्तरले हराउँदै क्रोएसियाले पहिलो जित दर्ता गरेको हो । क्रोएसियाको जितमा आन्द्रेज क्रमारिच नायक बने ।
उनले ब्यक्तिगत दुई गोल गरे । त्यस्तै मार्को लिभाजा र लेभ्रो माजेरले एक एक गोल गरे । क्यानडाका अल्फान्सो डाभिसले सान्त्वना स्वरुप एक गोल फर्काए । खेलमा सुरुआती अग्रता भने क्यानडाले बनाएको थियो । तर अग्रता जोगाउन नसक्दा प्रतियोगितामा पराजय भोग्यो ।
क्रोएसियाका लागि खेलको ३६ औं मिनेटमा क्रमारिच, ४४ औं मिनेटमा लिभाजा, ७० औं मिनेटमा क्रमारिच र खेलको इन्जुरी समयमा माजेरले गोल गर्दै क्रोएसियालाई ४(१ को जित दिलाए ।जितसँगै समूह ुएफु को क्रोएसियाले २ खेलमा ४ अंक जोडेको छ । क्रोएसिया शीर्ष स्थानमा रहेको छ । क्यानडाको यो लगातार दोस्रो हार हो ।
