मोरंगको उर्लाबारीमा प्रथम उर्लाबारी भेट्रान फुटबल प्रतियोगिता हुने भएको छ । प्रतियोगिता यहि मंसिर १६ बाट सन्चालन हुने आइतबार पत्रकार सम्मेलनको आयोजना गरी जानकारी दिएको हो । प्रतियोगितामा प्रदेश नम्बर १ का १२ टिमले सहभागिता जनाउने बताईएको छ ।
उर्लाबारी भेट्रान क्लबले आयोजना गर्ने सो प्रतियोगिताका लागि रु ९ लाख ५० हजार खर्च लाग्ने आयोजकले अनुमान गरेको छ । प्रतियोगीता राधिका माध्यामिक विद्यालयको मैदानमा हुने छ ।
उर्लाबारी नगरपालिकाको आर्थिक सहयोगमा हुने प्रतियोगिताको उपाधि विजेताले ५१ हजार र उपविजेताले ३१ हजारसहित ट्रफि प्राप्त गर्नेछ । प्रतियोगिताको फाइनल मंसिर २७ गते हुनेछ ।
