इलामको माङ्सेबुङमा जारी आत्मानन्द कप पुरुष फुटबल प्रतियोगितामा जलथल फुटबल क्लब झापा अन्तिम चारमा प्रवेश गरेको छ । इलामको माङसेबुङ ५ स्थित प्रस्तावित आत्मानन्द रंगशालमा आज भएको खेलमा कर्णसिं सोनाम फुटबल क्लव ताप्लेजुङलाई २–० गोल अन्तरले पराजित गर्दै जलथल झापाले अन्तिम चारमा स्थान पक्का गरेको हो ।
जलथल झापाको जितमा दोस्रो हाफमा कर्ण लिम्बू र सन्देश भुजेलले गोल गरेका थिए । दोस्रो हाफको १० औं मिनेटमा झापाका कप्तान कर्ण लिम्बू र खेलको इन्जुरी समयमा सन्देश भुजेलले गोल गर्दै झापालाई जित दिलाएका हुन् । प्रतियोगिता अन्र्तगत आईतबार चारतारे युवा क्लब मोरङ र तिजोग युवा क्लब पाँचथरबिच खेल हुनेछ ।
प्रतियोगितामा इलाम, पाँचथर, ताप्लेजुङ, झापा, मोरङ, सुनसरी, तेह्रथुम र भारत गरि ८ क्लबको सहभागिता रहेको छ । विजेताले ट्रफीसहित नगद ३ लाख ११ हजार १ सय ६९ र उपविजेताले ट्रफीसहित २ लाख ५ हजार सय ६९ रुपैयाँ पुरस्कार प्राप्त गर्नेछन् ।
