काठमाडौँ । लोकप्रिय लोकपप गायक सुनिल गिरीको ‘को होला त्यो’ बोलको गीतको फिमेल भर्सन ट्रेण्डिगंको शिर्ष स्थानमा उक्लिएको छ । आकर्षक भिडियो सहित रिलिज गरिएको भिडियो छोटो समयमा नै ट्रेण्डिगं नम्बर एकमा उक्लिन सफल भएको हो । यो समाचार तयार पार्दासम्म सार्वजनिक गीतको भिडियो २४ लाख बढी दर्शकले हेरिसकेका छन् । सुनिलकै शब्द, संगीत रहेको गीतमा गोपाल रसाइलीको एरेन्ज छ ।
निषेधाज्ञा अगाडी कालिन्चोक, चरिकोट मुडे लगायतका रमणीय स्थानमा छायाँंकन गरिएको भिडियोमा अभिनेता पल शाह र अभिनेत्री प्रकृति श्रेष्ठको अभिनय देख्न सकिन्छ । गायक गिरीले ८ वर्ष अगाडी पल र प्रकृतिलाई नै लिएर यो गीतको पुरुष भर्सनमा भिडियो बनाएका थिए । जुन गीतले नेपाली सांगीतिक क्षेत्रमा ठूलो चर्चा कमाएको थियो । सोही टिम दोहोरीएको भिडियोले दर्शकलाई भरपुर मनोरञ्जन दिने विश्वास गायक गिरीको रहेको छ ।
अनिल कृष्ण मानन्धरको छायाँंकन र निर्देशन रहेको भिडियोमा सम्पादन र कलरिगं मनोज कार्कीले गरेका छन् । सार्वजनिक गीतमा टिकटक बनाउनेलाई २५ हजार नगर उपलब्ध गराइने गायक गिरीले जानकारी दिए । टिकटकमा आएको सर्वाधिक भ्यूज, लाइक कमेन्टका आधारमा उत्कृष्ट एकलाई पुरस्कृत गरिने निर्माण यूनिटले जनाउको छ । उक्त रकम प्रायोजक क्रिपा सनफ्लावर आयलले उपलब्ध गराउनेछ ।
