काठमाडौं ।
देशभरका विभिन्न क्षेत्रहरुबाट अन्तिम नतिजा प्राप्त हुन थालिरहेका बेला ललितपुर २ बाट प्रतिनिधिसभा सदस्यमा नेकपा एमालेका प्रेम महर्जन निर्वाचित भएका छन् ।
केहीबेरअघि सम्पन्न मत गणनाअनुसार महर्जन ९ हजारभन्दा बढी मतान्तरले विजयी भएको बताइएको छ । एमालेका महर्जनले १९ हजार ८३४ मत पाएका छन् भने दोस्रो स्थानमा हाम्रो नेपाली पार्टीका सुदीन शाक्य दोस्रो भए ।
उनले १० हजार ४४० मत पाए भने तेस्रो स्थानमा १० हजार १३६ मत पाउँदै राष्ट्रिय स्वतन्त्र पार्टीका बुद्धरत्न महर्जन तेस्रो भए ।
त्यस्तै निवर्तमान सांसद समेत रहेका एकीकृत समाजवादीका कृष्णलाल महर्जन चौथो भएका छन् । उनले ९ हजार ५३९ मत पाएका छन् । यद्यपि पछिल्लो परिणामको औपचारिक घोषणा हुन बाँकी छ ।
