पोखरा । नेकपा (एकीकृत समाजवादी) कास्की क्षेत्र नं २ का उम्मेद्वार हुन् श्रीनाथ बराल । पार्टीको पोलिटव्यूरो सदस्य समेत रहेका बराल गठवन्धनका तर्फबाट साझा उम्मेद्वार हुन् । श्रीनाथ एमाले कास्कीका प्रभावशाली नेता तथा केन्द्रीय सदस्य थिए ।

उनले २०६४ को पहिलो संविधान सभा निर्वाचनमा कास्की २ बाट नेकपा (एमाले) का नेता रवीन्द्र अधिकारीलाई बिजयी गराउनमा ठूलो हात छ । उनलाई रवीन्द्रका सिनियर कमाण्डर पनि भनिन्थ्यो । दोस्रो संविधान सभा र २०७४ को प्रतिनिधि सभा निर्वाचनमा पनि रवीन्द्र जिताउन उसैगरी श्रीनाथ नै लागिपरे। तर अहिले श्रीनाथ नेकपा ९एकीकृत समाजवादी०बाट निर्वाचन लड्दैछन् ।

बौद्धिक ब्यक्तित्व श्रीनाथको प्रतिस्पर्धा एमालेकी विद्या भट्टराईसँग हुँदैछ । सधैँ एमाले उम्मेदवार जिताउन लागि परेका श्रीनाथ अहिले ५ दलीय गठबन्धनका तर्फबाट एमालेलाई हराउन आफैं उठेका छन्। माओवादी केन्द्र र एमालेबाट फुटेर बनेको नेकपा (एकीकृत समाजवादी) यतिबेला विद्याको विपक्षमा हुँदा आफ्नो जित सहज भएको दाबी गर्छन् श्रीनाथ । उनै श्रीनाथसँग न्युज कारखानाले गरेको संक्षीप्त कुराकानी

चुनावको मिति नजिकिँदै गएको छ, ढुकढुकी कत्तिको बढेको छ ?
पोखरेली दाजुभाई तथा दिदीबहिनीहरुको सद्धावका कारण ढुकढुकी कत्ति पनि बढेको छैन । कास्कीमा हामीले नै बनाएको मजबुद्ध संगठन र ५ दलिय गठबन्धनका कारण म जित नजिक छु । ढुकढुकी कत्ति बढेको छैन । राम्रो भएको छ । जति चुनाव नजिकिँदै छ, हामी त्यही उत्साहित छौँ ।

सधैँ एमाले उम्मेदवार जिताउन लागि परेको तपाई यस पटक भने आँफै उम्मेद्धवार हुनुहुन्छ रु टिकट पाउनलाई पार्टी नै परिवर्तन गर्नु पर्यो है ?
होइन । एउटा परिस्थितीले त्यस्तो हुन पुग्यो । मलाई अन्याय भएको थियो त्यतिबेला एमालेमा छँदा । तर अहिले मैले काम गरेर देखाउने बेला आएको छ । अहिले सबै दलका नेता कार्यकर्ताहरुको साथ सर्मथन मलाई छ । एमाले जनहरुले पनि मलाई नै माया गर्नुहुन्छ । सबैको मतले मैले बहुमत ल्याउँछु ।

घरदैलोमा मतदातासँगको भेटघाटमा के पाउनुभयो ?
एकदम उत्साह । सबैले माया गर्नुभएको छ । हामीसँग विश्वास खोजीरहनु भएको छ, जसको सम्मान म गर्छु ।

यसपालिको मत परिणाम पनि स्थानीय चुनावको जस्तै आउँछ भन्ने लागेको छ यहाँलाई ?
पक्कैपनी । कास्कीमा हाम्रो संगठन मजबुत छ । पार्टी र ५ दलीय गठबन्धन नै कास्कीमा सशक्त भएकाले यसपालिको मत परिणाम पनि स्थानीय चुनावको जस्तै आउँछ भन्ने लागेको छ ।

तपाईको चुनाव जित्ने मुख्या आधार के के हुन् ?
मुख्य आधार भनेको त सत्ता गठबन्धन नै हो । दोस्रो आम्रा एजेण्डामा पोखरेलीहरु खुशी छन् । अर्को आधार भनेको यहाँका दाजुभाई तथा दिदीबहिनीहरुको अपार माया हो । जुन मायालाई मैले वर्षौ वर्ष सम्म सम्झेर मेरो क्षेत्रमा मात्रै नभई समग्र कास्की र देशकै भलो हुने काम गर्नेछु । मैले विगतका दिनमा अझ भनौँ ४० वर्षसम्म यो क्षेत्रमा दिएको योगदानको कदर गर्दै उहाँहरुले कलममा मतदान गनुहुन्छ भन्ने मेरो पूर्ण विश्वास छ ।

महंगी न्युनीकरण गर्ने विषयमा यहाँका योजना के के छन् ?
महंगी न्युनीकरण गर्ने र गरिबहरुलाई माथि उठाउने मेरो एजेण्डा हो । महंगीलाई बढ्न दिनु हुँदैन । यसलाई न्युनीकरण गर्ने र नियन्त्रण गर्न म पहल गर्छु ।