वीरगञ्ज १५ असार । चटयाङ लागेर पर्सामा तीन जनाको ज्यान गएको छ । आज बिहान परेको चटयाङ लागेर ज्यान गुमाउनेमा सखुवाप्रसौनी गाउँपालिका-४ देवरवाना बस्ने ५५ वर्षीय रघुवीर यादव, पटेर्वासुगौली-१ गदियानीका २७ वर्षीय रसुल आज गद्दी र जिराभवानी-३ जितपुर बस्ने ५० वर्षीय असरतोमी देवी थारु रहकी छन् ।
खेतमा भैसी चराउन जाँदा दुइ जनाले चटयाङमा परी ज्यान गुमाएका हुन् , भने अर्को एक जना असरतोमीको भने खेतमा काम गर्ने क्रममा चटयाङमा परेर ज्यान गएको हो । चट्याङमा परि तीन जना भने सामान्य घाइते भएका छन् ।
जिल्ला प्रहरी कार्यालय पर्साले दिएको जानकारी अनुसार ४० वर्षीय राजबंशी महरा भने चटयाङ लागेर गम्भिर घाइते भएका छन् । उनलाई उपचारको लागि वीरगञ्ज ल्याइएको प्रहरीले जनाएको छ ।
