बलिउडका चर्चित निर्देशक अनुराग कश्यपकी छोरी आलिया कश्यप सधै चर्चामा रहने गरेकी छिन् । उनी सामाजिक सञ्जालमा एकदमै सक्रिय रहने स्टार किड्स मध्ये एक रहेकी छिन् । उनी आफ्नो अन्दाज र तर्क राख्न माहिर छिन् ।
उनको आफ्नो बोल्ड फोटो ट्रोल भएपछि त्यसको जवाफ पनि मज्जाले फर्काउन जानेकी छिन् । आलियाको आफ्नो बुवा संग एकदमै राम्रो बोन्डिङ रहेको छ । यसको ताजा उदाहरण भर्खरै उनको बुवा संग आलियाले लन्च गर्दै गरेको तस्बिर बाट पनि थप पुष्टि हुन्छ । आलियाले आफ्नो कमाईको पैसा बाट अनुरागलाई लन्च गराएकी छिन् ।
अनुराग पनि छोरीको यो सफलतामा एकदमै खुशी देखिएका थिए । उनले यो खुशीलाई सामाजिक सञ्जाल मार्फत भिडीयोमा शेयर समेत गरेका छन् । अनुरागले आफ्नो इन्ष्टाग्राम मार्फत छोरी आलियाले आफुलाई लन्च गराएको भिडीयो सार्वजनिक गरेका हुन् ।
यो भिडीयोमा लन्च पछि आफ्नै कार्ड बाट आलियाले खानाको पेमेन्ट गरेको समेत देख्न सकिन्छ । उनले पैसा पेमेन्ट गरेपछि आफ्नो बुवा तिर हेर्छिन् र हाँस्दै भन्छिन्– तपाई मलाई लाज महशुस गराईरहनु भएको छ ।
