काठमाडौं । गायिका समीक्षा अधिकारी नेपाली गायन क्षेत्रमा राम्रो संभावना बोकेर उदाएकी एक चम्किलो तारा थिइन् । उनको जीवन चम्किरहेका बेला एक्कासी उनको जीवनमा एकाएक दु:खको बादल मडारिन पुग्यो ।
उतारचढावकाबिचमा पनि गायिका समिक्षा फेरी गायनमा नै जम्ने इच्छासहित काठमाडौँ आएकी छिन् । सामाजिक संजालमा निकै सक्रिय भइरहने यी सुन्दरी गायिकाले पछिल्लो समय पनि सामाजिक संजालमा आफ्नो सक्रियता बढाइरहेकी छिन् । यो तिहारमा समीक्षाले आफ्नो खुसी साट्दै फेसकबुकमा केही तस्वीर सार्वजनिक गरेकी छिन् ।
कुनै समय मासिक ४ लाखसम्म पारिश्रमिक बुझ्दै आएकी समिक्षाको हातमा अहिले पहिला जस्तो काम छैन । उनले फाट्ट फुट्ट रुपमा स्वर दिएका गीतहरु भने बेला बेलामा बजारमा आइरहेका छन् । जसमध्येको एक हो ‘हाँसेर’ । जसमा गायनमा तेजेस रेग्मी र सुवास खत्रीले साथ दिएका छन्। सुजन सुजित खत्रीले लेखेको गीतमा लय सिर्जना पनि गीतकारकै रहेको छ।
गीतमा संगीत संयोजन भने कृष्ण विश्वकर्माले गरेका छन्। भिडियोमा शर्मिला अधिकारी, दिव्या न्यौपाने, निशान जिसी, सन्तोष घिमिरे, मिलन कँडेल, प्रवीण काफले र सन्तोष गैरेले अभिनय गरेका छन्। किरण चैसिरको छायाँकन रहेको भिडियो सम्पादन अमृत चापागाईंले गरेका छन्। भिडियो निर्देशन भने विशाल घिमिरेले गरेका छन्।
