काठमाडौं, असार १४ । नेपालमा पछिल्लो २४ घण्टामा २ हजार ४४४ जना कोरोना संक्रमित थपिएका छन् । विभिन्न प्रयोगशालामा ११ हजार ६४० जनाको पिसिआर र एन्टीजेट परीक्षण गर्दा २ हजार ४४४ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ । संक्रमित मध्य काठमाडौं उपत्यकामा ५१४ जना कोरोना संक्रमित थपिएका छन् ।
काठमाडौंमा ३५५, ललितपुरमा ११२ र भक्तपुरमा ४७ जना संक्रमित थपिएका हुन् ।त्यस्तै सोही अबधीमा ३ हजार ८५३ जना संक्रमित संक्रमणमुक्त भएका छन् । योसँगै हालसम्म ५ लाख ८८ हजार १८७ जना संक्रमित संक्रमणमुक्त भएका छन् ।पछिल्लो २४ घण्टामा ४२ जना संक्रमितको मृत्यु भएको छ । योसँगै हालसम्म कोरोनाबाट मृत्यु हुनेको संख्या ९ हजार ५१ पुगेको छ ।
