काठमाडौँ १४ असार । हाम्रो टिम नेपालका अभियान्ता विमल पन्तसहित १८ जनालाई आज सोमबार प्रहरीले पक्राउ गरेको छ । कोरोना संक्रमण फैलिएसँगै सरकारले गरेको निषेधाज्ञाको समयमा खाना खुवाउँदै हिडेका अभियान्ताहरुलाई आज पक्राउ गरी प्रहरी वृत्त सिंहदरबारमा राखिएको छ ।
काठमाडौंका प्रहरी प्रमुख एसएसपी अशोक सिंहले बताए अनुसार हाम्रो टिमले अनामनगरमा प्रयोग गर्दै आएको टहरा खाली गराउने क्रममा विरोध भएपछि उनीहरुलाई पक्राउ गरिएको हो । उक्त टहरामा महानगरपालिकाले पार्क बनाउने भनेपछि टहरा खाली गर्न भनिएको थियो ।
