मुम्बई । बलिउड अभिनेता ऋतिक रोशन अभिनीत चलचित्र ‘कृश’ को चौथो सिक्वेल बन्ने भएको छ । ‘कृश’ निर्माण भएको १५ वर्ष पुगेको अवसरमा पारेर अभिनेता ऋतिकले ‘कृश–४’ घोषणा गरेका हुन् । उनले सामाजिक सञ्जालमा लेखेका छन् ‘पहिलेको कुरा बितिसकेको छ । अब भविष्य कस्तो लिएर त्यो देख्न बाँकी छ ‘कृष ४’ ।’ बलिउडमा ‘कृश’ एक सफल फ्रेन्चाइ चलचित्र हो । सौर्य दैनिकमा खबर छ ।
दुई वर्ष अगाडि ‘कृश–४’ छिट्टै फ्लोरमा निस्किएर २०२० को क्रिसमसमा रिलिज हुने खबर बाहिरिएको थियो । निर्माता तथा निर्देशक राकेश रोशनले अप्ठ्यारो समयका कारण चलचित्रको काम रोकिएको बताएका थिए । उनले त्यसवेला चलचित्रको लेखन कार्य भइरहेको र निर्माणको काम केही ढिला हुने जनाएका थिए । ‘कृश’ फ्रेन्चाइजको सुरुवात सन् २००३ मा चलत्रिच ‘कोइ मिल गया’ बाट भएको हो । त्यसयता अन्य दुई ‘कृश’ २००६, ‘कृश ३’ २०१३ मा प्रदर्शनमा आइसकेका छन् ।
