बलिउडमा ड्रग्स प्रकरण एकदमै सामान्य झै बन्न थालेको छ । सुशान्त सिंह राजपुतको निधन पछि केही चर्चित बलिउडकर्मी यसको नशामा लठिने गरेको खुलासा भएको थियो । अब बलिउडमा यो सामान्य जस्तै भईसकेको छ । हालसालै यस्तै घटना फेरि दोहोरीएको छ ।
ड्रग्स लिदै गरेकाहरु लाई प्रहरीले पक्राृउ गर्दा यसमा बलिउडमा चलेका कलाकार समेत परेको बताइएको छ । नासिक प्रहरीले पार्टी चलिरहेको ठाउँमा ड्रग्स लिदै गरेकाहरुलाई छापा हानेको थियो । यसमा चार जना बलिउडका कलाकार र एक पूर्व बिग बोस प्रतियोगी समेत पक्राउ परेका छन् ।
पक्राउ परेकाहरुको नाम प्रहरीले सार्वजनिक गरेको छैन । महाराष्ट्रको नासिकको इगतपुरीमा रहेको एउटा बिल्डिङमा रेव पार्टी चलिरहेका जानकारीपछि नासिक प्रहरीले छापा मारेको थियो । जसमा २२ जनालाई पक्राउ गरिएको थियो ।
पक्राउ परेकामा चार जना बलिउड कलाकार र कोरियोग्राफर समेत रहेको प्रहरीले जनाएको छ । छापापछि प्रहरीले उक्त बिल्डिङ सिल गरेको छ । पक्राउ परेकाहरुको साथ बाट प्रहरीले लागु औषध समेत बरामद गरेको छ ।
