पति संजोग र मबीच ठूलै झगडा परेको थियो भन्दै वर्षाले खोलीन् झगडा परेका दिनका रहस्य, इन्स्टाग्रामबाट सञ्जोगका फोटो हटाएकोबारे यसो भन्छिन् वर्षा
काठमाडौं ।
नायिका वर्षा राउत के देख्यो त्यही बोल्ने कलाकार हुन् । उनले आफु र पति संजोगबिच कुनै समय ठूलो झगडा परेको विषयको रहस्य अहिले आएर खोलेकी छिन् ।
कुरा हो पति सञ्जोग कोइरालाका तस्वीर इन्स्टाग्रामबाट हटाएको समयको । प्रेम विवाह गरेको केही वर्षमै इन्स्टाग्रामबाट फोटो हटाएको कुरा बाहिर आएपछि यो जोडीबीच ठूलो उतारचढाव आएको दर्शकहरुले समेत अनुमान गरेका थिए ।
सोही विषयको प्रस्टिकरण वर्षाले यतिबेला आएर दिएकी छिन् ।
उनले आफु अभिनित पछिल्लो फिल्म ‘के घर के डेरा’को प्रमोसन अभियानमा हिंडेकी वर्षाले वैवाहिक सम्बन्धमा आएको समस्या, सोचमा आएको उतारचढाव र बच्चाको विषयमा खुलेर बताएकी छिन् ।
पढ्नुहोस् वर्षाले लेखेको स्टाटस जस्ताको त्यस्तै
हाम्रो बीचमा वास्तवमै ठूलो झगडा भएको हो । मेरो केसमा चाहिं के के भयो भने दर्शकले हामीलाई एकदमै धेरै माया गर्नुभएको छ । हाम्रो झगडा पर्यो, एकदमै ठूलो झगडा परेको थियो । रिसमा मैले फोटो अर्काइभ गरें ।
मलाई एकदमै रिस उठेको थियो । मलाई यो मान्छेको फोटो प्रोफाइलमा राख्नु नै छैन भनेको जस्तो । अझ पनि छोरा पराई भइसक्यो भन्ने भएको छैन । म अझै पनि त्यही घरको छोरी हो । त्यो घरको बुहारी पनि हो हुन त ।
झगडा पर्दा बेक्कार छिटो बिहे गरेछु कि भन्ने जस्तो लाग्यो । यस्तो कुरा सुनेर कति जनाले फोन गर्नुभयो । तर कसैले पनि तिमी खुसी छौ कि छैनौ भनेर सोधेन । मलाई कस्तो नराम्रो लाग्यो ।
पछि कति जनाले यस्तो राम्रो जोडी छुट्टिनु हुँदैन भन्नुभयो । यस्तो नगर है नगर भन्नुभयो । तर कसैले पनि तिमीहरुको बीचमा के प्रब्लम भएको हो भनेर सोध्नुभएन । उहाँहरुले उदाहरणीय जोडी भन्नुभयो । उदाहरणीय हुनुहुन्छ कति जना, तर कहिलेकाहीं खुसी भइँदैन ।
एउटा टाइममा पुगेपछि सोच मिल्दैन । मान्छेको सोच न हो, चेन्ज भइराख्छ । मलाई लाग्छ, दिनदिनै झगडा गरेर बस्नुभन्दा त छुट्टिएकै राम्रो हो जस्तो लाग्छ मलाई चाहिं । तपाईं जब छुट्टिनुहुन्छ, तब आफ्नो बाटोमा खुसी हुन सक्नुहुन्छ ।
सबै कुराको ज्ञान पनि हुनुपर्छ । म पढेलेखेको त हो, तर एकदमै कमजोर विद्यार्थी हुँ । मलाई सोसल स्टडिज र भूगोलको केही पनि आउँदैन । मलाई राजनीतिको केही पनि आउँदैन । कलाकार भइसकेपछि सबै कुरा जान्नैपर्छ भन्ने प्रेसर जुन छ नि हामीलाई, त्यसले चाहिं एकदम गाह्रो बनाउँछ ।
सञ्जोग अब के छ त प्लान, सुरसार गर्ने होइन त भन्दाखेरि एक–दुई वर्ष कुरुम न त भन्ने कुरा भएको छ ।
