मुम्बई – दक्षिण भारतीय अभिनेत्री सामन्था अक्केनेनी बलिउड चलचित्र पारखीमाझ पनि चर्चित छिन्। उनका फ्यानहरू लामो समयदेखि सामन्थालाई बलिउडमा डेब्यु गरेको हेर्न आतुर छन्।
अब भने उनीहरुको सपना पुरा हुने भएको छ । उनले अब आयुष्मान खुरानाका साथ चाँडै नै बलिउडमा पाइला राख्दैछिन्। सामन्था यसअघि मनोज बाजपेईको वेव सिरिज ‘फेमिली मेन २’ मा देखिएकी थिइन्।
त्यहींदेखि उनको बलिउड इन्ट्रीलाई महत्वका साथ हेरिँदै आएको छ।उनी हरर–कमेडी बलिउड फिल्ममा चाँडै देखिन लागेको जनाइएको छ। लचित्रमा सामन्थाले राजकुमारीको भूमिका निर्वाह गर्ने बताइएको छ ।
चलचित्रलाई दिनेश विजानले निर्माण गर्न लागेका हुन्। चलचित्रको निर्देशकमा अमर कौशिकको नाम फाइनल भएको जनाइएको छ। समान्थाले नागा चैतन्यसँग गत अक्टोबरमा सम्बन्ध विच्छेद गरेकी थिइन् । विवाह बन्धनमा बाँधिएको चार वर्षमै उनीहरूले बैवाहिक सम्बन्ध टुंग्याएका थिए।
