धनगढी, २३ असोज :
कैलाली क्षेत्र नम्बर–५ मा नागरिक उन्मुक्ति पार्टीका तर्फबाट प्रतिनिधि सभामा लक्ष्मण थारूले उम्मेदवारी दर्ता गराएका छन् ।
मंसिर ४ गते हुने प्रतिनिधि तथा प्रदेश सभाको निर्वाचनका लागि आइतबार मुख्य निर्वाचन अधिकृतको कार्यालयमा वारेसनामामार्फत थारूले उम्मेदवारी दर्ता गराएका हुन् ।
थारूका प्रस्तावकसमेत रहेका बुन्दीलाल थारूले उम्मेदवारी दर्ता गराएका हुन् । नागरिक उन्मुक्तिका तर्फबाट कैलाली–५ को प्रदेश सभा (क) मा श्रीराम चौधरी र प्रदेश सभा (ख) मा गोठु चौधरीले उम्मेदवारी दर्ता गराएका छन् ।
लक्ष्मण चौधरी टिकापुर घटनाको अभियुक्त हुन् । उनी सरकारको फरार सूचिमा छन् ।
