काठमाडौँ– भारतमा थप ४९ हजारमा कोरोना संक्रमण पुष्टि भएको छ । दुई महिना लगातार कोरोनाको हट स्पोट बनेको भारतमा पछिल्लो समय संक्रमितको स.खया घट्दै गएको छ । पछिल्लो २४ घण्टामा त्यहाँ ४९ हजार ८५१ जनामा संक्रमण भएको छ ।
यसअघि भारतमा पहिलो पटक १८ वैशाखमा कोरोना संक्रमितको दैनिक वृद्धि ४ लाख नाघेको थियो । यो सँगै भारतमा कोरोना संक्रमितको संख्या ३ करोड २ लाख ३२ हजार ३२० पुगेको छ ।
भारतमा ५ लाख ९३ हजार २०५ जना संक्रिय संक्रमित छन् ।यस्तै त्यहाँ एकै दिन १ हजार २५६ संक्रमितले ज्यान गुमाएका छन् । यो सँगै कोरोनाका कारण ज्यान गुमाउनेको संख्या ३ लाख ९५ हजार ७८० पुगेको छ ।
