काठमाडौँ १२ असार । सर्लाहीको ईश्वरपुर नगरपालिका वडा नं. ३ का अध्यक्ष सूर्यकुमार श्रेष्ठको हत्या भएको छ । एक्स्काभेटर चालक हर्षबहादुर तामाङसँग सामान्य विवाद हुँदा चालक तामाङले एक्स्काभेटरको बकेटले हिर्काएर अध्यक्ष श्रेष्ठको हत्या गरेका हुन् ।
सर्लाही प्रहरीले दिएको जानकारी अनुसार ईश्वरपुर नगरपालिका ३ भक्तिपुर भन्ने स्थानमा पोखरी सौन्दर्यीकरणको कम हेर्न जाने क्रममा एक्स्काभेटर चालकसँग सामान्य विवाद हुँदा चालकले श्रेष्ठको टाउको र छातिमा बकेट प्रहार गरी हत्या गरिएको हो ।
श्रेष्ठसँगै ठेकेदार पनि सँगै गएकाले प्रहरीले ठेकेदार र चालक दुवैलाई नियन्त्रण लिएको छ । घटनाको सत्य तत्थ थाहा पाउन प्रहरीले अनुशन्धान अगाडी बढाएको छ ।
