बलिउडका फिल्म समिक्षक केआरके अर्थात कमाल आर खान अचेल एकदमै बढि बिबाद र चर्चामा आईरहेका छन् । यसको मुख्य कारण भनेको सलमान खानको राधे फिल्मको समिक्षा नै हो ।
केआरके लाई बलिउडका कलाकारले जानेका थिए तर राधे फिल्मको रिभ्यु पछि उनी एकाएक भाईरल बनेका छन् । सलमान खानको राधेको रिभ्यु पछाडि उनको गायक मिक्का सिंह संग त झनै वार चलीनै रहेको छ ।
यस्तो बेलामा आएर केआरके ले भने अपत्यारिलो ढंगले सलमान खान संग माफि मागेका छन् । सलमान खानको टिमले केआरके बिरुद्ध मानहानीको मुद्धा हालेका थिए । त्यो मुद्धाको किनारा लागिसकेको छैन ।
बलिउड अभिनेता खानको फिल्म राधेको नकारात्मक समिक्षाका कारण चर्चामा आएका समिक्षक केआरकेले सलमानसँग माफी माग्दै उनका बिरुद्धका भिडीयो समेत डिलिट गरेको जानकारी दिएका छन् । केआरकेले सामाजिक सञ्जाल ट्विटरमा एक पोस्टमा आफूले सलमानसँग सम्बन्धित सबै भिडियोहरु डिलिट गरेको बताएका हुन् ।
आफ्नो उदेश्य सलमानलाई भावनात्मक रुपमा ठेस पुर्याउनु नरहेको समेत उनले बताएका छन् । केआरकेले अदालतमा सलमानविरुद्ध मुद्धा लड्न भने नछोड्ने बताएका छन्। यदि अदालतले आदेश दियो भने मात्रै अब बाट सलमानको फिल्मको समिक्षा गर्ने समेत जनाएका छन् ।
उनले यदि भिडीयो कतै छिटपुट रुपमा रहेको भए जानकारी गराउन समेत सलमानको टिमलाई अनुरोध गरेका छन् । उनले भनेका छन् यदि म बाट कुनै भिडीयो छुट भएको छ भने सुचीत गर्नुहोला म त्यसलाई डिलीट गरिदिनेछु ।
