बलिउडमा सिक्वेलको प्रचलन बढ्दै गएको छ । एउटा फिल्म हिट हुन थालेपछि त्यस फिल्मको सिक्वेल बन्न सुरु भईहाल्छ । तर अहिले सम्म बलिउडमा पहिलो फिल्मले जति बजार लिएको छ त्यति सिक्वेलले लिन सकेको छैन । तर पनि सिक्वेल बन्न छोडेको छैन ।
किनकी पहिलो फिल्मले कि त नाफा कमाउँछ कि घाटा सिक्वेलले भने लगानीमा जोखीम दिदैन भन्ने मान्यता संगै बलिउडमा सिक्वेलको क्रम बढेको हो । यसैबीच डान्सका किंग ऋतिक रोशनद्धारा अभिनित ‘कृष’ फिल्मको फेरी अर्काे सिक्वेल आउने भएको छ ।
अब यसको चौथो सिक्वेल पनि निर्माण हुने भएको छ। ऋतिक स्वयंले सामाजिक संजालमार्फत यसको आधिकारिक घोषणा गरेका हुन्। ‘कृष’ फिल्म निर्माण भएको १५ वर्ष पुगेको अवसरमा चौथो सिक्वेल निर्माणको संकेत दिँदै लेखेका छन्, ‘विगत बितिसक्यो। अब हेर्नुछ, भविष्ले के लिएर आउँछ। ‘कृष ४’ ।
यसअघि नै ऋतिकले कृष ४ ल्याउने बताईसकेका थिए । २०२० मै कृष ४ आउने तयारी भए पनि कोरोनाले यो योजनालाई पछि धकेलेको हो । लेखनको काम सम्पन्न भईसकेको बताइएको छ । सुपर हिरोको रुपमा देखीएका ऋतिकको यो सिक्वेलले बलिउडमा कत्तिको धमाल पिट्ने हो त्यो भने हेर्न बाँकि नै छ ।
