बलिउडमा बिबादमा तानिरहने र झगडा गर्न माहिर अभिनेत्री पायल रोहतगी फेरी एकपटक झगडा गरेर पक्राउ परेकी छिन् । उनले सोसाइटीका चेयर पर्सन लाई एकदमै अश्लिल शब्द प्रयोग गरेको भन्दै प्रहरीले पक्राउ गरेको हो ।
अहमदावाद पुलिसले उनलाई शुक्रबार पक्राउ गरेको हो । उनले सोसाइटीका चियर पर्सनसँग मिटिङमा तथानाम गालि गरेकी थिईन् । मिटिङमा गाली गरेर पनि नपुगेपछि उनले सामाजिक सञ्जालमा पनि अश्लिल शब्दको प्रयोग गर्दै चेयर पर्सनलाई गाली गरेकी थिईन् ।
तर उनको यो पोष्टले बबाल मच्चिएपछि पोष्ट डिलिट समेत गरेकी थिईन् । उनले सोसाइटीको चियर पर्सनलाई ज्यान मार्ने धम्की दिएको र सोसाइटीका मानिससँग झगडा गरेको आरोप समेत लागेको छ । ‘२० जुनमा सोसाइटीमा एक मिटिङ भएको थियो ।
उनी पनि त्यो मिटिङमा सहभागि भएकी थिइन् । उनले चेयर पर्सनले संझाउदा संझाउदै तथानाम गालि गरेकी थिईन् । उनी सधै सोसाइटीमा झगडा गर्न माहिर रहेको त्यहाका स्थानीयको दाबी छ । उनी सधै साना साना कुरामा निहँु खोज्ने गरेको बताइएको छ ।
