काठमाडौँ ११ असार । नेपाली कांग्रेसको १४ औँ महाधिवेशनको तयारीका लागि वरिष्ठ नेता रामचन्द्र पौडेलले बोलाएको बैठक जारी रहेको छ । आज दिउँसो २ बजे बसुन्धाराको दियालो फुडल्याण्डमा सुरु भएको बैठकमा डा शेखर कोइराला, गगन थापा प्रदीप पौडेल लगायत नेताहरु सहभागीता रहेको छ ।
यही भदौ १६ देखि १९ गतेसम्म हुने महाधिवेशनको लागि सभापतिको उम्मेदवारी दावी गर्ने योजनामा पुगेका पौडेलले भने आफ्नो योजना सार्वजनिक गरेका छैनन् । आजै शुक्रकार सभापतिको अकांक्षीहरु नेतात्रय विमलेन्द्र निधि, शशांक कोइराला र प्रकाशमान सिंहबीच पनि छलफल भएको थियो ।
वर्तमान सभापति शेरबहादुर देउवाले फेरि एक पटक आफै सभापतिमा उम्मेदवार दिने दावी गरेपछि निधि , कोइराला र सिंह गठबन्धनबाट नेतृत्व चयन गर्न सहमतिमा पुगेका छन् ।
