काठमाडौँ ।
१९ वर्ष अघि रिलिज गरिएको बहुचर्चित गीत सान्नानी तिमीलाईको अपार सफलतापछि गायक बाबु बोगटीले फेरी रिमेक भर्सन बजारमा ल्याउने भएका छन् ।
बुधबार राजधानीका भिन्न भिन्न रमणीय स्थानहरुमा २ दिन लगाएर छायांकन गरिएको भिडियोमा गायक बोगटीसँगै यस पटक नायक पुष्प खड्का र मोडलद्धय प्रिज्मा र प्रिन्सी खतिवडाको बेजोड अभिनय देख्न सकिन्छ ।
हाल सम्पादनमा रहेको भिडियो आगामी शुक्रबार गायक बोगटीकै अफिसियल च्यानलबाट रिलिज गर्ने तयारी गरिएको छ । जसको आज अफिसियल पोस्टर रिलिज गरिएको छ । जसमा गायक बोगटीसँग प्रिन्सी र नायक पुष्पसँग प्रिज्माको रोमान्टिक लुक देख्न सकिन्छ ।
पोस्टरमा बोगटी र पुष्प लौरो सहित देखा परेका छन् । १९ वर्ष अघि स्व आलोक नेम्वागंले निर्देशन गरेको भिडियोलाई अहिले भने युवा निर्देशक प्रहिल कार्कीले निर्देशन गरेका छन् ।
माधव बेलबासेको सम्पादन रहेको भिडियोको छायांकन उत्तम हुमागाईले गरेका हुन् । भिडियोमा नायिका नंदिता केसीलाई पनि कथामा समावेश गरिएको छ ।
