काठमाडौं :
चलचित्र ‘हिजो आजका कुरा’ को ट्रेलर कार्यक्रममा नायिका ऋचा शर्मा धरधरी रोइन् । प्रेस मिटमा प्रश्न सोध्ने क्रममा नायिका ऋचा शर्मा एक्कासि धरधरी राएकी हुन् । उनी रुन थालेपछि माहोल एकछिन सुनसान बनेको थियो ।
पारिवारिक अप्ठ्यारो भएकाले गर्दा आफुले आशु सम्हाल्न नसकेको उनले बताइन् । हजुरआमा बिरामी भएर अन्तिम चरणमा पुग्दा पनि आफू चलचित्रको लागि मात्र उपस्थित भएको उनको भनाइ थियो । फिल्म चलाउन रोएको भन्ने आरोप लाग्यो भने के गर्नुहुन्छ भन्ने प्रश्नमा उनले ‘म कुनै फिल्म चलाउन रोएको हैन । मेरो आफ्नै समस्या छन् । मैले आफूलाई सम्हालेर राखेको थिएँ ।
एक्कासि परिवारको कुरा आएपछि म रोकिन सकिन् उनले भनिन् । रोएर फिल्म चल्ने होइन । रोएर फिल्म ब्लकबस्टर हुन्छ भने ठीक छ म फेरि ह्वाँ ह्वाँ रोइदिन्छु। रोएर सिनेमा चलाउने ट्रेण्ड छ अरे उनले भनिन् ।
साकार पन्तले निर्देशन र सन्तोष पन्तले निर्माण गरेको चलचित्र ‘हिजो आजका कुरामा सन्तोष पन्त, रमा थपलिया, केकी अधिकारी, ऋचा शर्मा, दिव्यदेव पन्त, साकार पन्त, रीमा विश्वकर्मा, जयनन्द लामा, रमेश अधिकारी, जेविका कार्की, विनायक कुइँकेल, अनुष्का अधिकारी, निरञ्जनप्रसाद अर्याल, लक्ष्मी भुसाल, मञ्जु श्रेष्ठ, सविन शाक्य, शैलेजा पाण्डे, कमला रेग्मी आदि कलाकारहरुको अभिनय देख्न सकिनेछ ।
