काठमाडौं २२ भदौ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले चुनावबाट माओवादी बलियो भएर नआए प्रतिगमन र प्रतिक्रान्तिको खतरा रहिरहने बताए । बुधवार काठमाडौंमा पार्टीनिकट अखिल क्रान्तिकारीको ‘क्रान्तिकारी फोस’ घोषणा गर्दै अध्यक्ष प्रचण्डले यस्तो बताएका हुन् ।
‘निर्वाचनको ब्याटलमा जाँदैछौं । सडक, सदन र सरकारको ३ वटै मोर्चाबाट संघर्ष गरेर मात्र उपलब्धि हासिल गर्न सकिन्छ’ प्रचण्डले भने । युवा विद्यार्थीलाई निर्वाचनको व्याटलमा जाने तयारी गर्न आग्रह गरेका प्रचण्डले सडकको हिरो नै युवा भएको बताए ।
‘सडकको हिरो तपाईंहरू हो, तपाईंहरू सडकमा नआउँदासम्म गति लिँदैन । सडक तताउने र गाउँमा अभियान चलाउने कार्यक्रम बन्ने छ ।’ प्रचण्डले अघि भने । निर्वाचन प्रणाली र शासकीय स्वरूपमा सुधारको उद्देश्य राखेर जनतामा जानुपर्ने प्रचण्डले
जोड दिए ।
