काठमाडौं २० भदौ । नेकपा एकीकृत समाजवादीका गुल्मी जिल्ला अध्यक्ष नरेश भण्डारीले सहित प्रदेश इन्चार्ज नेताहरु नेकपा एमाले प्रवेश गरेका छन् ।
सोमबार नेकपा एमाले गुल्मी जिल्ला पार्टी कार्यालयमा आयोजित एक कार्यक्रममा एकीकृत समाजवादी गुल्मीका जिल्ला अध्यक्ष भण्डारी सहित जिल्ला इञ्चार्ज गणेश खनाल, लुम्बिनी प्रदेश कमिटी सदस्य हिमाल थापा, मुसिकोट नगर कमिटी अध्यक्ष मदन घिमिरेसहितका नेता कार्यकर्ता एमालेमा प्रवेश गरेका हुन् ।
एमाले विभाजन पछि माधव नेपाललाई साथ दिएका नेताहरु फेरि पुरानै आफ्नै घरमा फर्किएका हुन् । उनीहरुलाई एमालेका उपमहासचिव प्रदीपकुमार ज्ञवाली र सचिव गोकर्णराज बिष्टले स्वागत गरेका हुन् ।
एमाले फर्किएसँगै अध्यक्ष नरेश भण्डारीले बिग्रेको घरलाई मर्मत गरेर अघि बढ्ने प्रतिवद्धता व्यक्त गरे ।
