काठमाडौं १८ भदौ । सत्तारूढ दल नेपाली कांग्रेसका महामन्त्री गगनकुमार थापाले आगामी निर्वाचनमा हारिन्छ की भन्ने डर लागेको बताएका छन् ।
आज शनिबार काठमाडौंको बुढानीलकण्ठस्थित भ्याली पब्लिक माध्यामिक विद्यालयले आयोजना गरेको एक कार्यक्रममा सहभागी भएका उनले निर्वाचन आएपछि हारिएलाकी भन्ने डर आफूलाई सधैं हुने गरेको बताएका हुन् ।
उनले भने,‘चुनावमा जित÷हार दुवै हुने गर्छ, तर मलाई हारिएलाकी भन्ने डरले बढि सताउने गरेको छ ।’
जीवनमा सफलता र असफलता दुवै कुरा हुने बताएका थापाले सोहीअनुसार विद्यार्थीहरुको पठनपाठनलाई अघि बढाउन सो कार्यक्रममा सुझाव दिए ।
आगामी मंसिर ४ गते देशभर एकै चरणमा प्रदेश र प्रतिनिधि सभाको निर्वाचन हुने भएको छ ।
