ऋतिक रोशन र सबा आजादको सम्बन्ध अझै उचाइमा पुगेको छ । डिनर र लंच डेटमा सँगै देखिएका यो जोडी अहिले घरमै परिवारसँग रमाइलो गरिरहेका छन् । ऋतिक रोशनले आइतबार कथित प्रेमिका सबा आजादलाई आफ्नो परिवारसँग परिचय गराए। साबा ऋतिकको परिवारसँग लंचमा थिइन् । अहिले यो रमाइलो तस्बिर सार्वजनिक भएको छ । तस्बिर हेर्दा सबैले सबा आजादलाई धेरै मन पराएको देखिन्छ ।
ऋतिक रोशनका काका र संगीतकार राजेश रोशनले इन्स्टाग्राममा एउटा तस्बिर सेयर गरेका छन् । सो तस्बिरमा ऋतिक र साबा पूरा परिवारसँग बसेको देख्न सकिन्छ । तस्बिरमा ऋतिक रोशनकी आमा पिंकी रोशन, छोराहरु रिहान र रैदान, भतिजी पश्मिना, सुरनिका र अन्य सदस्यहरु उपस्थित छन् । ऋतिक रोशन परिवारको बीचमा आरामसँग बसिरहेका छन् र सबा आजाद आफ्नो काकासँग बसेर मुस्कुराउँदै छिन्।
तस्बिर सेयर गर्दै राजेश रोशनले लेखेका छन्, ‘खुशी सधैं तपाईसँग हुन्छ…….विशेष गरी आइतबारमा। खासगरी खाजाको समयमा । यो पोस्टमा ऋतिकले कमेन्ट गरे, हाहाहा, सही भन्नुभयो अंकल। र तपाईं सबैभन्दा रमाइलो हुनुहुन्छ। सुरनिकाले कमेन्टमा लेखेकी छन्, बेस्ट सन्डे, बेस्ट परिवार, बेस्ट लंच । सबा आजादले पनि ऋतिक रोशनको परिवारलाई निकै मन पराउँथिन् । उनले कमेन्टमा लेखेकी छिन , बेस्ट सन्डे ।
सबा र ऋतिकको यो नयाँ तस्बिरले फ्यानको माया पनि पाइरहेको छ । ऋतिक रोशन र सबा आजाद डेटिङको अफवाह तब फैलिएको थियो जब दुबै एक रेस्टुरेन्टबाट बाहिर निस्केका थिए। दुबै एकअर्काको हातमा हात मिलाएर हिँडेको देखियो । यद्यपी दुबैले अहिलेसम्म आफ्नो सम्बन्धको पुष्टि गरेका छैनन् न त यसबारे केही बोलेका छन् ।
