हलिउडका लागि दुःखद खबर आएको छ । हलिउडमा लामो समय सम्म काम गरेकी अभिनेत्री जोआन लिनविलको निधन भएको छ । उनको निधन संगै हलिउडका कैयौ सेलीब्रेटीहरुले हलिउड जगतमा अपुरणिय क्षती भएको बताएका छन् ।
हलिउड अभिनेत्री जोआनको ९३ बर्षको उमेरमा निधन भएको हो । स्टार ट्रेकमा रोमुलनको भूमिका निर्वाह गर्ने पहिलो अभिनेत्री लिनविलको निधनमा धेरै कलाकारले दुख ब्यक्त गरेका छन् । उनले १ सय भन्दा बढी फिल्म तथा टेलिभिजन शो मा काम गरीसकेकी थिईन् ।
उनले १९५० देखी १९८० सम्म ३ दशकको समयम हलिउडका लागि हिट फिल्महरु दिएकी थिईन् । उनी एक कुशल लेखक समेत रहेकी थिईन् । उनले आफ्नो अभिनय करियरलाई लिएर ‘सेभेन स्टेप्स’ नामक पुस्तक समेत लेखेकी थिईन् । १९६२ मा अभिनेत्रीले निर्देशक मार्क रिडेलसँग बिवाह गरेकी हुन् । उनका दुई बच्चा एमी र क्रिस्टोफर रिडल रहेका छन् ।
