काठमाडौं १७ भदौ । नेकपा माओवादी केन्द्रका अध्यक्ष पुष्पकमल दाहाल प्रचण्डले एकीकृत समाजवादीसँग पार्टी एकताको प्रक्रिया अघि बताएका छन् । शुक्रबार सुर्खेतमा आयोजित एक कार्यक्रममा अध्यक्ष प्रचण्डले यस्तो बताएका हुन् ।
आगामी प्रदेश र प्रतिनिधि सभा निर्वाचनमा एउटै घोषणापत्र बनाएर भाग लिने प्रयास समेत दुई दल बिच भइरहेको जानकारी दिएका अध्यक्ष प्रचण्डले केही समयपछि पार्टी एकता संयोजन समिति बन्ने सम्भावना रहेको बताए ।
अब समाजवादीसँग एक खालको एकताको तयारी भएको भन्दै प्रचण्डले आगामी निर्वाचनमा जाँदा घोषणापत्र एउटै हुने तर चुनाव चिह्न भने आ–आफ्नै हुने बताए ।
