काठमाडौं । नेपाली राष्ट्रिय फुटबल टिमका पूर्वकप्तान गोलकिपर किरण चेमजोङले पे्रमिका कञ्चन निरौलासँग आज विवाह गरेका छन् । उनले काठमाडौं स्थित बालुवाटारको सिल्भर ओक पार्टी प्यालेसबाट धुमधामका साथ विवाह गरेका छन् ।
विवाहमा साथीभाइ र तथा आफन्तहरुको उपस्थिती रहेको थियो । किरण इमाडोलस्थित घरबाट जन्तिसहित बालुवाटारस्थित पार्टी प्यालेसमा पुगेका थिए । बिहेमा उनी निकै प्रफुल्लित देखिएका थिए भने बेहली बन्दा उस्तै सुन्दर देखिएकी थिइन् कन्चन ।
किरणले कञ्चनसँग माल्दिभ्समा विवाहको प्रस्ताव गर्दै इंगेजमेन्ट गरेका थिए । जुन दृष्य भाइरल बनेका थिए । यो जोडी लामो समय देखी प्रेममा रहेको थियो ।
