काठमाडौं ।
सबैभन्दा लामो काँक्रो फलाएर बेलायती किसानले विश्व कीर्तिमान कायम गरेका छन् । सेबास्टियन सुस्कीले १ सय १३ दशमलब ४० सेन्टिमिटर लामो काँक्रो फलाएर गिनिज बुकमा आफ्नो नाम लेख लेखाउन सफल भएका हुन् ।
पोल्याण्डमा जन्मिएका सेबास्टियन साउथह्याम्पटनको लर्डशिलमा परिवार सहित बस्दै आएका छन् । उनले त्यहा मौरीपालन व्यबसाय गर्दै आएका छन् । ७ वर्षदेखि ठूलो आकारका तरकारीहरु फलाउँदै आएका सेबास्टियनले कीर्तिमानी काँक्रो फलाउने प्रयास यसअघि पटक पटक प्रयास गरेपनि उनी बल्ल आएर सफल भएका हुन् ।
यसअघिको कीर्तिमानधारी काँक्रोभन्दा सेबास्टियनले फलाएको काँक्रो ६ सेन्टिमिटर लामो रहेको बताइएको छ । ४४ वर्षीय सेबास्टियन ले अत्यधिक लामो आकारका काँक्रो फलाउनु निकै जोखिमपूर्ण काम भएको बताएका छन् ।
