काठमाडौं १३ भदौ । काठमाडौंको न्युरोडमा रहेको बिरा कम्प्लेक्स र काठमाडौं महानगरपालिकाबीच बेसमेन्टको पसल हटाउने सहमति भएको छ ।
सोमबार बिहान महानगर प्रहरीलाई व्यवसायीले अवरोध गरेका थिए । दुई पक्षबिच भएको छलफलमा बेसमेन्टमा गोदाम मात्रै चलाउने सहमति भएको हो ।
उक्त भवनको बेसमेन्टमा गोदाम राख्ने गरी नक्सा पास भएकोले नक्सा अनुसार नै सहमति भएको हो ।
वडा नम्बर २२ का वडाध्यक्ष चिनकाजी महर्जनले बताए अनुसार नक्साअनुसारकै भवन प्रयोग गर्ने सहमति हुनुको साथै आजैबाट संरचना हटाउने सहमति भएको छ ।
