काठमाडौं । कांग्रेस सभापति शेरबहादुर देउवा निवास बुढानिलकण्ठमा आज विपक्षी गठबन्धनको बैठक बस्ने भएको छ । बैठकमा विपक्षी गठबन्धनका पाँच दल सहभागी हुने स्रोतले जनाउको छ ।
जसमा कांग्रेस, माओवादी केन्द्र, जसपाको उपेन्द्र यादव पक्ष, एमालेको माधव नेपाल पक्ष र जनमोर्चा सम्मिलित गठबन्धनले हिजोमात्रै संयुक्त विज्ञप्ती जारी गर्दै प्रधानमन्त्री केपी शर्मा ओलीको कारण देश गम्भीर दुर्घटनातर्फ जान लागेको भन्दै सबै मिलेर जोगाउनुपर्ने अपिल गरेको थियो ।
केपी ओलीले आफ्नजो कार्यकालमा मनपरी तन्त्र हावी गरेको भन्दै त्यसको विरोधमा विपक्षी गठबन्धनले कडा प्रतिकार गर्ने तयारी स्वरुश्रप बैठक बोलाइएको हो ।
बैठकमा प्रधानमन्त्री ओलीविरुद्ध आक्रामक रुपमा प्रस्तुत हुनेबारे छलफल हुने बताइएको छ । विपक्षी गठबन्धनका १४६ जना सांसदले कांग्रेस सभापति देउवालाई प्रधानमन्त्री बनाउनुपर्ने भन्दै सर्वोच्च अदालतमा रिट हालेका छन् । जसमाथी संवैधानिक इजलासमा सुनुवाई जारी छ ।
