काठमाडौं ।
यो वर्षकै बहुप्रतिक्षित फिल्म ‘प्रेमगीत ३’को भारत प्रवर्द्धनमा भारतीय लोकप्रिय अभिनेता गोविन्दाले सहयोग गर्ने प्रतिबद्धता जनाएका छन् ।एक रियालिटी शोको जज बन्नका लागि नेपाल आएका गोबिन्दा र नेपाली अभिनेता प्रदीप खड्काबीच आइतबार भेटवार्ताका क्रममा गोबिन्दाले ‘प्रेमगीत ३’को भारत प्रवर्द्धनमा सहयोग गर्ने उल्लेख गरेका हुन् ।
गोबिन्दासँगको भेट लगत्तै अभिनेता प्रदिपले गोविन्दाले फिल्मको भारत प्रवद्र्धनमा आफूले सघाउने बताएको उल्लेख गरे ।उनले भने ‘उहाँले हामीलाई प्रमोसनमा सघाउने प्रतिबद्धता जनाउनुभएको छ भेटपछि प्रदिपले भने ।
उक्त भेटमा चौधरी ग्रुपका वरुण चौधरी र निर्देशक दिनेश डीसी पनि सहभागी बनेका थिए । बिहिबार नेपाल आएका गोबिन्दा आज नै भारत फर्किएका छन् ।
