काठमाडौं –
अभिनेता राजेश हमालले भारतीय प्रख्यात योगगुरु सद्गुरुसँग भेट गरेका छन् । फिल्म निर्देशक तथा कलाकार दिनेश डिसीले सामाजिक संजाल मार्फत हमालले सद्गुरुलाई भेट गरेको जानकारी गराएका हुन् ।
भेटमा हमालले सद्गुरुसँग अन्तर्वार्ता समेत लिएको डिसीले बताए ।। बेंगलोरमा भेट गरेका राजेशले के बिषयमा कुराकानी गरेर भनेर अहिले सार्वजनिक गरिएको छैन ।
कैलाश दर्शनका लागि सद्गुरु १९ भदौमा नेपाल समेत आउन लागेको बताइएको छ ।
अघिल्लो बर्ष पनि लाप्चाबाट कैलाश दर्शन गरेका सद्गुरुले यो पटक एक हजार चार सय धार्मिक पर्यटकसहित नेपाल आउन लागेका हुन् । सद्गुरुले हुम्लाको लाप्चाबाट कैलाश मानसरोवरको दर्शन गर्नेछन् । लाप्चा कैलाश दर्शन गर्नका लागि चर्चित छ ।
